Նախագիծն՝ այստեղ:
Հունիսի 15-17-ին ՝ Հասմիկ Սարիբեկյանի և Նարեկ Հակոբյանի հետ, կազմակերպել և իրականացրել ենք եռօրյա ուսումնական ճամբար Արատես դպրական կենտրոնում:
Առավոտյան ժամերգությանը մասնակցելուց հետո հետաքրքիր կանգառներով, նոր լիցքերով ու սովորողների բարձր տրամադրությամբ իրականացրերցինք մեր ճամփորդությունը դեպի ճամբարականների համար սիրելի և հարազատ դարձած Արատես, որտեղ էլ անցկացրեցինք ուրախ և հագեցած եռօրյա ճամբար:
Եռօրյա ճամբարի կարևոր բաղկացուցիչներից էր՝ առավոտյան նախավարժանքը, միջավայրի խնամքը, խոտհունձը, խոհանոցային ակտիվ գործունեությունը, հայրենագիտական կանգառները, քայլքերը, ուսումնասիրությունները, համագործակցային խաղ-վիկտորինաները, ֆլեշմոբյան խնդիրների քննարկումը, ժամերգությունը, պարերգերը, պարուսուցումը, ինչպես նաև բակային և ինտելեկտուալ խաղերը, գետում լողը և լողափնյա խաղերը, ինչպես նաև տեխնոլոգիական աշխատանքները:
Մինչ Արատես հասնելն ունեցանք ճամբարականների համար տպավորիչ հայրենագիտական կանգառներ՝
- Տիգրանաշենի ոլորաններ-Մասիսը՝ դիտակետից:
- Արփայի հովիտը: Ֆոտոշարն՝ այստեղ:
- Եղեգիս գյուղը, Զորաց եկեղեցին: Ֆոտոշարն՝ այստեղ:
Արատես հասնելուն պես ճամբարականների հետ միասին տեղավորվեցինք Տատիկ-պապիկի տնակում, Հյուրատանը, խոհանոցում և ակումբում:
Քալքով գնացինք՝ - Արատեսի վանք, որտեղ իրականացրեցինք ուսումնական ժամերգություն, որից հետո միասին ընթերցեցինք Եղիշե Չարենցի «Ես իմ անուշ Հայաստանի» հայտնի տաղը:
- Արատեսի գետ, որտեղ ճամբարականները մեծ հաճույքով լողացին: Ֆոտոշարն՝ այստեղ:
Ճամբարականների համար կարևոր և սիրելի Է խոհանոցային ակտիվ գործունեությունը: Ճամբարի ընթացքում միասին պատրատեցինք պիցցա, որի միջոցով գործնականում քննարկեցինք կոտորակներ թեման: Ֆոտոշարն՝ այստեղ:
Միասին իրականացրեցինք նաև գաթաթխիկ, որի մեջ տեղադրեցինք դովլաթ մետաղադրամ: Դովլաթ մետաղադրամի միջոցով որոշվեց, որ տարվա ամենահաջողակը այս անգամ մեր ճամբարական Մարգարիտան է, ով առաջին անգամ էր այցելել Արատես: Գաթայի միոցով ամփոփեցինք կոտորակներ թեման: Ֆոտոշարն՝ այստեղ:
Միասին սովորեցինք ճանաչել Արատեսում աճող օգտակար դեղաբույսերը, որոնցից մի փոքր հավաքեցինք և պատրաստեցինք համեղ և օգտակար թեյեր: Ֆոտոշարն՝ այստեղ:
Ճամբարականները մասնակցեցին նաև Summer Quest.անգլերեն+մաթեմատիկա+բնագիտություն+տեխնոլոգիա խաղ-վիկտորինային, քննարկեցինք նաև մաթեմատիկական ֆլեշմոբյան խնդիրներ: Մանրամասները՝ Հասմիկ Սարիբեկյանի պատրաստած տեսաֆիլմում.
Ճամբարականները ընկեր Հասմիկի հետ իրականացրեցին ստվերային ներկայացումներ՝ Կոմիտասյան երգերի շուրջ:
Մանրամասները՝ Հասմիկ Սարիբեկյանի պատրաստած տեսաֆիլմում.
Ճամբարականները ընկեր Նարեկի հետ կազմակերպեցին «Գեղարվեստական տնակ»-ի տարածքում ցուցադրություն:
Նախագծի ընթացքում ընկեր Նարեկը սովորողներին ծանոթացրեց ռեդի-մեյդ արվեստի առանձնահատկություններին, որից հետո շրջեցին Արատես դպրական կենտրոնի տարածքով: Նախագծի գործնական մասում մասնակիցների առջև դրված է հետևյալ խնդիրը օգտագործելով միջավայրում եղած օբյեկտները փոխել միջավայրը։ Ցուցադրությունը տևեց 1 օր։ Ֆոտոշարն՝ այստեղ:
Արատեսյան եռօրյա ճամբարի կարևոր բաղադրիչ է միջավայրի խնամքը և խոտհունձը: ֆտոշարն՝ այստեղ:
Արատեսյան եռօրյա ճամբարի կարևոր բաղադրիչ է նաև առավոտյան նախավարժանքը, բակային խաղերը: Ֆոտոշարն՝ այստեղ:
Ճամբարային երեկոները ամփոփեցինք խարույկի շուրջ օրվա տպավորությունների և նախասիրությունների շուրջ զրույցներով, երգ ու պարով: Ֆոտոշարն՝ այստեղ:
Միջավայրը խնամված, սենյակները կոկիկ հաջորդ խմբին հանձնելը դարձել է ճամբարի կարևորագույն պայման: ֆոտոշարն՝ այստեղ:
Արատեսյան ճամբարի քրոնիկոն՝
Դեպի սպասված Արատես…
Արփայի հովտում…
Եղեգիս. Զորաց եկեղեցի
Պիցցան և կոտորակներն Արատեսում
Օրվա ամփոփումը խարույկի շուրջ
Արատեսյան սիրուն օրվա քրոնիկոն…
Բարի առավոտն Արատեսում
Սովորողների սիրո խոստովանությունը Հայաստանին
Առավոտյան նախավարժանքն Արատեսում
Արատեսյան եռօրյա ճամբարի կարևոր բաղադրիչ է միջավայրի խնամքը… Ուրախ լող Արատես գետում
Արատեսյան 2-րդ օրվա սիրուն քրոնիկոն…
Արատեսյան թեժ առօրյա
Խնամված միջավայրի հանձնում հաջորդ խմբին…
Ցուցադրություն Արատեսում «Գեղարվեստական տնակ»-ի տարածքում
Ստվերային ներկայացում Արատեսում
Արատեսում կազմակերպած խաղ-վիկտորինա/ Մաթեմատիկա+անգլերեն+բնագիտություն+հայրենագիտություն
Եռօրյա ճամբարը լուսաբանել է նաև Հասմիկ Սարիբեկյանը: