Մասնակիցներ՝ Արևմտյան դպրոցի բնագիտության ու մաթեմատիկայի ընտրությամբ գործունեության խումբ
Համագործակից դասավանդողներ՝ Շուշան Ալեքսանյան ու Գրետա Բակունց
Ժամկետը՝ ապրիլ-մայիս
Նպատակը՝ սովորել, ինչպես պետք է ճիշտ ցանել, ծլելուց հետո ինչպես և ինչու տեղափոխել փոքրիկ բաժակների մեջ, որքան է յուրաքանչյուր բույսի համար սածիլի շրջանը, որից հետո այն պետք է տեղափոխել հողի մեջ….
Այս տարի որոշեցինք ուտելի կանաչիներ ցանել առանձին թաղարների մեջ, աճեցնելուց հետո վաճառել և գումարը փոխանցել հիմնադրամին։
Սա նաև վերաբերվում է ծաղիկներին.
Ընթացքը՝ ծանոթանում ենք սերմին, նրա կառուցվածքին, ծլման ջերմաստիճանի և այլն։
Արդյունքը՝ ստանալ առողջ սածիլներ։
Սովորողները
- չափումների միջոցով կպարզեն անհրաժեշտ ուղղանկյունաձև հողատարածքի լայնությունը, երկարությունը և կհաշվել մակերեսը։
- Փորձել պարզել, թե ուտելի կանաչիներ աճեցնելը որքանո՞վ է շահավետ։ Վաճառքից ստացված գումարից հանել ընթացիկ ծախսերը։
- Համեմատել սերմերի ծլման ջերմաստիճանը սենյակային ջերմաստիճանի հետ։
- Կազմել բույսերի, ինչպես նաև նրանց աճի վերաբերյալ խնդիրներ։
<<Սերմնացան+մաթեմատիկա>> նախագծի շրջանակներում Արևմտյան դպրոցի մաթեմատիկայի և բնագիտության ընտրությամբ գործունեության խմբի սովորողները միասին մասնակցեցին սերմնացանին։ Արևմտյան դպրոցի ջերմոցին կից ընտրեցին ուղղանկյուն մակերեսով հողակտոր։ Կատարեցին համապատասխան չափումներ ու հաշվեցին ընտրված հողակտորի մակերեսը։ Հողակտորը բաժանեցին 3 հավասար մասի։ Հողակտորի 1-ին 1/3 մասում ցանեցին համեմ, 2-րդ 1/3 մասում՝ սամիթ, իսկ 3-րդում՝ ծիտրոն։ Սովորողները անհամբեր սպասում են, թե երբ են քաղելու և վաճառելու կանաչիները, որպեսզի հաշվեն վաճառքից ստացված գումարը, որից ընթացիկ ծախսերը կհանելուց հետո կհասկանան, թե որքանով է արդյունավետ կանաչի աճեցնելը։
Սովորողները առավել հաջողված խնդիրներից` google forms-ով, կազմել ենք ֆլեշմոբ։ Փորձեք լուծել այն։
Շարունակելի․․․