Ստեղծագործ մաթեմատիկները

Նախագծի իրականացման ժամանակը՝ սեպտեմբերի 1-30

Մասնակիցներ՝ 4-5-րդ դասարանի սովորողներ

Նպատակը՝

Սովորողների ստեղծագործական կարողությունների և տրամաբանական մտածողության զարագացում
Սովորողների կողմից նոր և հետաքրքիր խնդիրների կազմում

Հիմնական խնդիրներն են՝

Սովորողների մոտ վերացնել վախը տեքստային բնույթի խնդիրների նկատմամբ
Սովորողների մոտ կայուն գիտելիք ձևավորելն է։

Կազմակերպումը՝

Սովորողները հորինում են տեքստային բնույթի հետաքրքրաշարժ խնդիրներ ու մաթեմատիկական խաչաբառեր, որոնք առաջադրում են դասարանի մյուս սովորողներին։
Միասին քննարկում են խնդիրներն ու խաչբառերը և լուծում դրանք։
Սովորողները իրենց կազմած խնդիրների միջոցով կազմում են խաղ-վիկտորինաներ և առաջարկում են իրենց ընկերներին։
Խաղ-վիկոտրինա սովորողը կարող է կազմել ինչպես միայն իր կազմած խնդիրներով, այնպես էլ առաջարկել սովորողների այլ խմբի կամել խմբային խաղ-վիկտորինա՝ խմբի մասնակիցների կազմած լավագույն խնդիրներով։

Արդյունքը՝

Սովորողների մեջ սերմանել սեր և հետաքրքրություն մաթեմատիկայի նկատմամաբ
Տրամաբանական և ստեղծագործական մտքի զարգացում
Սովորողների պատրաստած խաչբառերի և տրամաբանական խնդիրների, խաղ-վիկտորինաների հրապարակում բլոգներում։
Ամբողջական էլեկտրոնային փաթեթի ստեղծում
Ռադիոնյութի պատրաստում և տեղադրում սովորողների բլոգներում։

Արևմտյան դպրոցի 4-5-րդ դասարանի սովորողները իրականացրել են նախագծի 1-ին փուլը՝ կազմել են տարաբնույթ մաթեմատիկական խնդիրներ։

Սովորողների մեծ մասը կազմել է՝

ժամանակի և հեռավորության վերաբերյալ խնդիրներ՝ ամռան ընթացքում իրենց կատարած ճամփորդությունների տպավորությունների հիման վրա,
ալկոգելի քանակի և տարողության վերաբերյալ արդիական խնդիրներ,
դիմակների քանակի վերաբերյալ արդիական խնդիրներ,
Գնացուցակի ծախսի վերաբերյալ խնդիրներ,
Հեռավորության և ժամանակի վերաբերյալ այլ խնդիրներ
Այգու բերքի զանգվածի վերաբերյալ խնդիրներ
Ջրավազանի տարողության վերաբերյալ խնդիրներ
Ընթերցանության, գրքի էջերի քանակի վերաբերյալ խնդիրներ։
Եղեք ստեղծագործ, ինքներդ որոշեք խնդրի բնույթը։

Ստեղծագործ մաթեմատիկները նախագծի շրջանակներում Արևմյան դպրոցի 4-5-րդ դասարանի սովորողները կազմել են հետաքրքրաշարժ խնդիրներ։ Առավել հաջողված խնդիրներից կազմել ենք ֆլեշմոբ, փորձեք լուծել այն։

<<Ստեղծագործ մաթեմատիկները>> ֆլեշմոբ՝ 4-րդ դասարանի սովորողների համար։

<<Ստեղծագործ մաթեմատիկները>> ֆլեշմոբ՝ 5-րդ դասարանի սովորողների համար։

Ստեղծագործ մաթեմատիկները նախագծի արդյունքում Արևմյան դպրոցի 4-5-րդ դասարանի սովորողները կազմեցին հետաքրքրաշարժ խնդիրներ, որի հիման վրա https://learningapps.org/-ով կազմել ենք՝ Ստեղծագործ մաթեմատիկները օնլայն ուսումնական խաղ, առաջարկում ենք խաղալ և մարզել տրամաբանությունը։

Ստեղծագործ մաթեմատիկները օնլայն ուսումնական խաղը ներառված է Մաթեմատիկայի ամսագրի հատուկ՝ 16-րդ, թողարկման մեջ