Նախագծի իրականացման ժամանակահատվածը՝ Մարտի 20-ից ապրիլի 7
Մասնակիցներ՝ 4-5-րդ դասարանի սովորողներ
Նպատակը՝
- Սովորողների կողմից գարնան ու գարնանային տոներին նվիրված խնդիրների, ինչպես նաև խաչբառի կազմում և լուծում
- Լավագույն խնդիրներով կկազմենք ֆլեշմոբ
- Ստեղծագործական ու տրամաբանական մտքի համադրում ու զարգացում
- Նոր և հետաքրքիր խնդիրների կազմում և լուծում
- Սեր ու հետաքրքրություն մաթեմատիկայի նկատմամաբ
Սովորողների կողմից՝
Ընթացքը՝
- Սիրելի սովորողներ, կանանց և աղջիկների միամսյակը մեզ կրկին ստեղծագործելու առիթ է հանդիսանում։ Այս տոնին ընդառաջ կազմեք խաչբառ, ինչպես նաև գարնան ու գարնանային տոներին նվիրված խնդիրներ։ Լավագույն խնդիրներով կկազմենք ֆլեշմոբ։
Լուծեք նաև հետևյալ խաչբառերն ու խնդիրները՝
Խաչբառ 4-5-րդ դասարանի սովորողների համար(word)
Խաչբառ 4-5-րդ դասարանի սովորողների համար(pdf)
- Արամը մայրիկին նվիրեց սպիտակ ու դեղին կակաչներից կազմված ծաղկեփունջ։ Քանի՞ սպիտակ կակաչ կար ծաղկեփնջում, եթե հայտնի է, որ դեղին կակաչները սպիտակներից 2 անգամ շատ էին, իսկ բոլոր կակաչները միասին 33 հատ էին։
- Ծաղկեփնջում դեղին վարդերի քանակը 4 անգամ շատ էր սպիտակ վարդերի քանակից։ Քանի՞ դեղին վարդ կար ծաղկեփնջում, եթե ծաղկեփնջում վարդերի ընդհանուր քանակը 25 էր։
- Աննան ու իր փոքրիկ քույրիկը որոշեցին տատիկին միասին ծաղիկ նվիրել։ Նրանք միասին ունեին 3000 դրամ։ Որքա՞ն գումար ուներ Աննան, եթե նա քույրիկից 5 անգամ շատ գումար ուներ։
- Աշոտն ու եղբայրը որոշեցին իրենց քույրիկին միասին ծաղիկ նվիրել։ Նրանք միասին ունեին 2400 դրամ։ Որքա՞ն գումար ուներ Աշոտը, եթե նա եղբորից 400 դրամ ավելի շատ գումար ուներ։
- Զամբյուղում կար 10 կարմիր, 8 սպիտակ և 6 դեղին վարդ։ Առանց նայելու ամենաքիչը քանի՞ վարդ պետք է հանել զամբյուղից, որպեսզի համոզված լինենք, որ հանել ենք գոնե 1 կարմիր վարդ։
- Զամբյուղում կար 6 կարմիր, 5 սպիտակ և 11 վարդագույն գերբերա։ Առանց նայելու ամենաքիչը քանի՞ գերբերա պետք է հանել զամբյուղից, որպեսզի համոզված լինենք, որ վերցրել ենք երեք տարբեր գույնի գերբերա։
- Զամբյուղում կար 10 կարմի, 12 դեղին և 6 սպիտակ մեխակ։ Առանց նայելու ամենաքիչը քանի՞ մեխակ պետք է վերցնել զամբյուղից, որպեսզի համոզված լինենք, որ վերցրել ենք 2 տարբեր գույնի մեխակ։
- Մարգագետնում 1800 ծաղիկների 2/9 մասը կակաչներ էին։ Քանի՞ կակաչ կար մարգագետենում։
- Նարեկն ու իր պապիկը այգում միասին տնկեցին ծառեր։ Նրանք միասին քանի՞ ծառ տնկեցին, եթե նրանց տնկած ծառերի քանակը կրկնապատկենք, արդյունքը փոքրացնեք 5-ով, ապա կստանաք 3-ի հնգապատիկը։
- Պարտեզում եղած նարգիզների քանակի կրկնապատիկից, եթե հանենք ամենափոքր երկնիշ թվի եռապատիկը, ապա կստանանք 10։ Քանի՞ նարգիզ կար պարտեզում։
Արդյունքը՝
- Սովորողների ստեղծագործական ու տրամաբանական մտքի համադրում ու զարգացում
- Սովորողները գարնան ու գարնանային տոներին նվիրված իրենց կազմած խնդիրները, ինչպես նաև խաչբառերը կտեղադրենք իրենց բլոգներում
- Լավագույն խնդիրներով google forms-ով կկազմենք Գարնանամուտ ֆլեշմոբ։
«Գարնանային տրմադրություն» մաթեմատիկական օնլայն խաղ։
Ռոզի Հովհաննիսյան խաչբառ և խնդիրներ
Լաուրա Ղազարյան խաչբառ և խնդիրներ
Վահագն Հովհաննիսյան խաչբառ և խնդիրներ
Հասմիկ Ալեքսանյան խաչբառ և խնդիրներ
Գրետա Բակունցի բլոգ 