Մենթորական աշխատանք Ջուլիետա Քերոբյանի հետ. նոյեմբեր

Արևմտյան դպրոցի մաթեմատիկայի դասավանող Ջուլիետա Քերոբյանի հետ նոյեմբեր ամսվա ընթացքում շարունակել եմ իրականացնել մենթորական աշխատանք: Պայմանավորվել ենք շաբաթվա ընթացքում թե՛ ֆիզիկական միջավայրում, թե՛ առցանց տարբերակով(էլ. հասցե, սոցիալական հարթակներից ֆեյսբուքյան էջ կամ հեռախոսային կապ) հանդիպում ունենալ:

Միասին քննարկել ենք ուսումնական ճամփորդության անցկացման կարգը, անցկացման ձևը, նախագծի կառուցվածքը, հայտը: Միասին կազմել ենք ճամփորդական նախագիծը և հայտը: Ջուլիետա Քերոբյանն իր ճամփորդական նախագիծը հաջողությամբ իրականացրել է 4-րդ դասարանի սովորողների հետ: Արդյունքն՝ այստեղ:

Միասին քննարկել ենք նոյեմբերի օրացույցը: Սեբաստացու օրեր․ կրթահամալիրի տոնի շրջանակներում միասին իրականացրել ենք «Սովորող-սովորեցնող(GeoGebra մաթեմատիկական ծրագրի յուրացում)» համագործակցային նախագիծը: Արդյունքն՝ այստեղ:

Սեբաստացու օրեր․ կրթահամալիրի տոնի շրջանակներում միասին կազմել ենք «Թթուդրիկն ու մաթեմատիկան» նախագիծը, որը Ջուլիետան հաջողությամբ իրականացրել է 4-րդ դասարանի սովորողների հետ: Ամփոփումն՝ այստեղ։

Ջուլիետա Քերոբյանին առաջարկել եմ ընթերցել և վելուծել Դպիրի հետևյալ հոդվածը՝

Նախագծային ուսուցումը՝ որպես փորձարկված, կիրառելի, գործող մանկավարժություն «Մխիթար Սեբաստացի» կրթահամալիրում. Մարգարիտ Սարգսյան

Ջուլիետա Քերոբյանը կատարել է հոդվածների ընթերցում և վերլուծություն, որը կարող եք տեսնել այստեղ:

Քննարկել ենք մաթեմատիկական ֆլեշմոբին ներկայացվող պահանջները: Նոյեմբեր ամսվա ընթացքում կարողացել է ստուգել իր մասնակից սովորողների հոկտեմբեր ամսվա աշխատանքները:

Միասին քննարկել ենք նաև դեկտեմբեր ամսվա նախագծերն ու առաջադրանքների փաթեթը:

Արդեն կարողանում է կազմել՝

անհատական աշխատաժամանակ
նախագիծ, առաջադրանքների փաթեթ, որը սիրով իրականացնում է սովորողների հետ:
յուրաքանչյուր դասարանի համար բացել էջեր, որոնցում արդեն հանգիստ տեղադրում է առաջադարքների փաթեթը և նախագիծը:
առցանց սովորողների փաթեթ և աշխատել առցանց սովորողների հետ, ինչպես նաև սովորողների և նրանց ծնողների հետ էլ. հասցեով կարողանում է հանգիստ հաղորդակցվել:
ֆլեշմոբյան առաջադրանքներ, ինչպես նաև կարողանում է ստուգել մաթեմատիկական ֆլեշմոբի իր սովորողների արդյունքները։
Կարողանում է կազմել և իրականացնել ճամփորդական նախագիծ:

Քննարկել ենք յուրաքանչյուր ամսվա հաշվետվություն կազմելու, ինչպես նաև ենթակայքում նյութի տեղադրման ձևը։
Կարողացել է`

կազմել նոյեմբեր ամսվա հաշվետվությունը
նյութ տեղադրել ենթակայքում

Ջուլիետան պատրաստակամ է նորը սովորել և կիրառել: Միասին մանրամասն ուսումնաիրել ենք geogebra.org/classic մաթեմատիկական ծրագիրը, որը հաջողությամբ կիրառում է մաթեմատիկայի դասերին: Ջուլիետան պարբերաբար դիմում է հարցերի դեպքում։

Ավելին` Ջուլիետա Քերոբյանի բլոգում: