Չորրորդ դասարանի սովորողների համար կրթահամալիրի կրտսեր դպրոցներում կազմակերպվում է «Մաթեմատիկա» առարկայից ծրագիրն ավարտող սովորողի ուսումնական կարողությունների ու հմտությունների ներկայացման ստուգատես։
Ժամանակահատվածը՝ մայիսի 20-հունիսի 10:
«Ելք» ստուգատեսի բովանդակությունն ուղղված է ինչպես 4-րդ դասարանների ուսումնական պլանով որոշված մաթեմատիկա դասընթացի արդյունքների, այնպես էլ մաթեմատիկա առարկայի սովորողի ընտրությամբ գործունեության բաղադրիչի ամփոփմանը։
Բոլոր առաջադրանքները սովորողն իր ցանկությամբ կարող է կատարել ինչպես դպրոցում, այնպես էլ տանը կամ էլ իրեն հարամար որևէ այլ վայրում։ Բոլոր առաջադրանքները տեղադրում է բլոգում՝ «Ելք» ստուգատես բաժնում։
Ստուգատեսի նպատակն է ներկայացնել մաթեմատիկա առարկայից սովորողի ձեռք բերած կարողություններն ու հմտությունները, դրանց գործնական կիրառումը առօրյայում։
Ստուգատեսը մաթեմատիկա առարկայից անցկացվում է երկու փուլով՝
I փուլ՝ գործնական, կիրառական աշխատանքներ, սկսած մայիսի 20-ից
II փուլ՝ գրավոր ստուգում (թեստային տարբերակով), հունիսի 11-ին։
Անցկացման կարգը
«Ելք» ստուգատեսի ընթացքում սովորողը իր բլոգում բացում է համապատասխան անվանումով բաժին, որտեղ տեղադրում է «Ելք» ստուգատեսին ներկայացրած մաթեմատիկա առարկայից կատարած իր բոլոր աշխատանքները՝ գործնական աշխատանքները և թեստային աշխատանքը։
«Ելք» ստուգատեսի մաթեմատիկա առարկայից բովանդակային ուղղություններն են՝
1. մեդիահմտություն՝ առաջադրանքը մուտքագրելու, բլոգում աշխատելու կարողություն
2. գործնական կարողություններ
3. ստեղծագործական կարողություն
4. ինքնուրույն և խմբով աշխատելու կարողություն
5. այլն։
«Ելք» ստուգատես մաթեմատիկա առարկայից, գնահատումը
«Մաթեմատիկա» առարկայից ծրագրի 4-րդ դասարանն ավարտող սովորողի ուսումնական առաջադիմությունը գնահատվում է «Ելք» ստուգատեսում ներկայացրած գործնական աշխատանքի կատարման և բլոգում ներկայացրած մաթեմատիկա բաժնում տեղադրված մաթեմատիկական աշխատանքների արդյունքներով ։ Ամփոփումը՝ սովորողի զարգացման բնութագրում՝ որակական գնահատում։
Թեստային աշխատանքը գնահատվում է որպես առանձին գնահատանիշ` 1-10 միավորով։
Հեռավար ուսուցմամբ սովորողը «Ելք» ստուգատեսին մասնակցում է հեռավար, գործնական և գրավոր աշխատանքնեը դնելով բլոգի համապատասխան էջում։
Գործնական աշխատանքի առաջադրանքները`
1-ին կանգառ. մեդիահմտութունների ներկայացում.
Սովորողը ներկայացնում է տարվա ընթացքում իր ձեռքբերած մեդիահմտությունները՝
- Աշխատանք word ծրագրով․
Օնլայն կամ ներռեբնած word-ով աշխատելու կարողություն: Տարվա ընթացքում ուսումնասիրած նյութերի վերաբերյալ word-ով փորձեք կազմել առաջադրանքներ/մաթեմատիկական սիմվոլների մուտքագրում , երկրաչափական պատկերների տեղադրում և այլն։
* լրացուցիչ աշխատանք (geogebra ծրագրով աշխատելու կարողություն ,Quizizz.com կամ learning apps.org միջոցով մաթեմատիկական խաղ-վիկտորինայի կազմում):
- Նշված աշխատանքները ավատելուց հետո, նշիր թե որքան ժամանակում աշխատանքը ավարտեցիր: Արդյունքները տեղադրիր «Ելք ստուգատես» բաժնում։
- 2-րդ կանգառ. Ստեղծագործական աշխատանք։
Սովորողը ներկայացնում է տարվա ընթացքում մաթեմատիկա առարկայից իր ամենասիրելի աշխատանքը ։Սովորողը պատրաստում է տեսանյութ կամ ռադիոնյութ։ Տեսանյութը տեղադրում է իր յութուբյան ալիքում, այնուհետև բլոգում՝ «Ելք ստուգատես» բաժնում։
Ցանկության դեպքում ,աշխատանքը կարող են պատրաստել խմբով։
- 3-րդ կանգառ: Չափումներ. մակերեսի և պարագծի հաշվում
Սովորողը փնտրում և գտնում է իր շրջապատում քառակուսու և ուղղանկյան տեսք ունեցող առարկաներ: Չափերիզի միջոցով հաշվում է յուրաքանչյուրի չափումները և հաշվում է յուրաքանչյուրի մակերեսն ու պարագիծը։ Արդյունքները տեսաֆիլմի կամ ֆոտոշարի հետ միասին տեղադրել «Ելք ստուգատես» բաժնում։Վերը նշված աշխատանքները կատարելուց, բլոգում հրապարակելուց հետո սովորողը համարվում է իր բաժին ստուգատեսի գործնական մասը ավարտած:
Թեստային աշխատանքի կազմակերպման կարգը տես ստորև՝Գրավոր աշխատանքի կազմակերպման ընթացքը.1.Ստուգումը կազմակերպվում է հունիսի 11-ին՝ կրթահամալիրի դպրոց-պարտեզներում՝ Արևելյան, Արևմտյան, Հարավային, Հյուսիսային: Դպրոց-պարտեզի ղեկավարը իր հրամանով որոշում է տուգումը կազմակերպելու վայրը, կազմակերպիչներին: Ստուգման սկիզբը՝ 10.00։ Սովորողները ներկայանում են ժամը 9։00-ին։2. Ստուգումից հետո դպրոց-պարտեզի կայքում լուսաբանվում է ստուգման գործընթացը՝ պատումներ, հարցազրույցներ, նկարաշարեր: