Սիրելի սովորողներ, սկսվել է աշնանային ուսումնական արձակուրդը: Այն հնարավորություն կտա կազմել մաթեմատիկական ուսումնական խաղերի, ինչպես նաև մաթեմատիկական ինքնաստուգման թեստերի փաթեթ, որն էլ ավելի հետաքրքիր կդարձնի մաթեմատիկայի ուսուցման գործընթացը։ Կկատարեք նաև գործնական աշխատանքներ, որի միջոցով կամրապնդեք և առօրյա կյանքում կկիրառեք ձեր մաթեմատիկական գիտելիքները։
Դրա համար առաջարկում եմ
- լուծել, ինչպես նաև առաջարկել նոր տրամաբանական խնդիրներ
- Դիտել և սովորել quizizz.com-ով խաղ-վիկտորինա պատրաստելու տեսաֆիլմը
- Դիտել և սովորել google forms-ով ինքնաստուգման թեստերի, ֆլեշմոբների կազմում
- Պատրաստել մաթեմատիկական ուսումնական խաղեր, ինքնաստուգման թեստեր
- Կատարել գործնական աշխատանք
Նախագծի իրականացման ժամանակահատվածը՝ Հոկտեմբերի 24-նոյեմեբրի 2
Մասնակիցներ՝ 4-5-րդ դասարանի սովորողներ
Նախագծի նպատակը՝
- Սովորողների ձեռք բերած գիտելիքների ամրապնդում
- Մտածողության զարգացում
- Ուսումնական խաղերի փաթեթի և ինքնաստուգման թեստերի փաթեթի կազմում
- Մեծացնել սովորողների սերն ու հետաքրքրությունը մաթեմատիկայի նկատմամաբ
- Մաթեմատիկական գիտելիքները առօրյա կյանքում կիրառելու կարողության ձևավորում։
Նախագծի կազմակերպումը՝
Սովորողներին կառաջադրվեն՝
Տրամաբանական խնդիրներ
- Կռահիր և ստացիր անհրաժեշտ թիվը։
Օրինակ՝ Ինչպե՞ս չորս հատ 9-ով ստանալ 20։
99։9+9=20
Կարող եք օգտագործել թվաբանական գործողության նշաններ ու փակագծեր։
- Ինչպե՞ս երեք 6-ով ստանալ 6։
- Ինչպե՞ս երեք 5-ով ստանալ 30։
- Ինչպե՞ս չորս 3-ով ստանալ 6։
- Ինչպե՞ս հինգ հատ 2-ով ստանալ 28։
- Ինչպե՞ս չորս 9 –ի միջոցով ստանալ 100։
- Ինչպե՞ս երեք հատ 5–ի միջոցով ստանալ 20։
- Ինչպե՞ս չորս 5 –ի միջոցով ստանալ 6։
- Ինչպե՞ս հինգ 1-ով ստանալ 22։
- Ինչպե՞ս հինգ 2–ի միջոցով ստանալ 15։
- Ինչպե՞ս երեք 6-ով ստանալ 11։
- Ինչպե՞ս չորս 7–ի միջոցով ստանալ 18:
- Ինչպե՞ս չորս 8 –ի միջոցով ստանալ 89։
- Ինչպե՞ս երեք 4 –ի միջոցով ստանալ 20։
- Սիրելի սովորողներ, կազմեք նմանատիպ առաջադրանքներ:
- Ստացիր ճշմարիտ հավասարություն, միայն մեկ ձողիկ տեղաշարժելով․
Կարող եք օգտվեք հռոմեկան թվերի աղյուսակից․
Օրինակ՝ VI−IV=IX
VI+IV=X
X+II=VII
IV+III=V
VIII-III=X
VIII=VI−I
XI+IV=VI
VII+III=V
XII+II=XVI
- Սիրելի սովորողներ, կազմեք նմանատիպ առաջադրանքներ:
- 5 տարի առաջ Եվան, Մարին և Կարենը միասին 16 տարեկան էին։ Քանի՞ տարեկան կլինեն նրանք միասին 5 տարի հետո։
- 4 տարի հետո Կարենը, Աստղիկը և Արևն միասին կլինեն 35 տարեկան։ Քանի՞ տարեկան էին նրանք միասին 4 տարի առաջ։
- Սիրելի սովորողներ, կազմեք նմանատիպ առաջադրանքներ:
5.Սովորողները կուսումնասիրեն quizizz.com-ով խաղ-վիկտորինա պատրաստելու տեսաֆիլմը և կփորձեն իրենց կազմած խնդիրներից պատրաստել մաթեմատիկական խաղ-վիկտորինա։
Սիրելի սովորողներ, մաթեմատիկական խաղեր կարող եք պատրաստել նաև այլ հարթակներով և ծրագրերով։
Սիրելի սովորողներ, խաղերի փոխարեն կարող ենք պատրաստել ինքնաստուգման թեստեր։ Դրա համար կարող եք դիտել և սովորել, թե ինչպես google forms-ով կազմել ինքնաստուգման թեստերի, ֆլեշմոբների կազմում։
Գործնական աշխատանք 1․
Սովորողը մոտենում է իրենց տան կշեռքին, գրանցում է առաջադրանքը սկսելու ժամանակը, միացնում է վայրկենաչափը: Կանգնում է կշեռքին և գրանցում իր զանգվածը: Այնուհետև գրանցում է ընտանիքի մնացած անդամների զանգվածները, նշում է ով է ամենածանրը, ինչպես նաև, թե ով է ամենաթեթևը: Արդյունքն արտահայտում է գրամներով: Ընտանիքի անդամների զանգվածները դասավորում է նախ աճման, հետո նվազման կարգով։ Սովորողը պետք է պարզի նաև իր և ընտանիքի անդամներից որևէ մեկի զանգվածների տարբերությունը, ինչպես նաև գումարը։ Գրանցում է, թե ինչքան ժամանակում կատարեց առաջադրանքը և երբ ավարտեց: Սովորողը աշխատանքի արդյունքը խնդրի, ֆոտոշարի կամ տեսաֆլմի տեսքով տեղադրում է բլոգում:
Գործնական աշխատանք 2․
Չափերիզի միջոցով սովորողը պարզում է իր և ընտանիքի անդամների հասակները(բոյը)։ Արտահայտում մետրով և սանտիմետրերով, ինչպես նաև ամբողջությամբ սանտիմետրերով։ Ընտանիքի անդամների (բոյը)դասավորում է նախ աճման, հետո նվազման կարգով։ Սովորողը պետք է պարզի նաև իր և ընտանիքի անդամներից որևէ մեկի հասակների տարբերությունը, ինչպես նաև գումարը։ Գրանցում է, թե ինչքան ժամանակում կատարեց առաջադրանքը և երբ ավարտեց: Սովորողը աշխատանքի արդյունքը խնդրի, ֆոտոշարի կամ տեսաֆլմի տեսքով տեղադրում է բլոգում:
Արդյունքները
- Սովորողների ձեռք բերած գիտելիքների ամրապնդում
- Մտածողության զարգացում
- Մաթեմատիկական ուսումնական խաղերի, ինչպես նաև մաթեմատիկական ինքնաստուգման թեստերի փաթեթի կազմում ու տեղադրում բլոգում
- Սովորողները գործնական աշխատանքների արդյունքները ֆոտոշարի կամ տեսաֆիլմի հետ միասին կտեղադրեն իրենց բլոգներում
Գրետա Բակունցի բլոգ 