«Սովորող-սովորեցնող․ գործնական մաթեմատիկա» նախագծի շրջանակներում
Արևմտյան դպրոցի բակում, 3-4-5-րդ դասարանի սովորողների հետ միասին, կազմակերպեցինք և իրականացրեցինք մաթեմատիկայի բացօթյա դասեր, որոնց ժամանակ 4-5-րդ դասարանի սովորողները իրենց կրտսեր ընկերներին օգնեցին կատարել մի շարք գործնական աշխատանքներ, որի միջոցով ավելի լավ ամրապնդեցին երկարության չափման միավորները և գործնականում կիրառեցին: Ավագ ընկերներն օգնեցին իրենց կրտսեր ընկերներին չափերիզի միջոցով չափել իրենց հասակը և այն արտահայտել երկարության տարբեր չափման միավորներով։ Այնուհետև ավագ և կրտսեր ընկերներից կազմված զույգերը պարզեցին իրենց հասակների տարբերությունը։ Միասին վերհիշեցին ու ամրապնդեցին երկարության չափման միավորները։
Ավագ և կրտսեր ընկերներից կազմված զույգը կատարեց հեռացատկ, իսկ մյուս ընկերներն օգնեցին իրենց ընկերներին չափերիզի միջոցով չափել յուրաքանչյուրի կատարած հեռացատկի երկարությունը, այնուհետև ավագ և կրտսեր ընկերներից կազմված զույգերը պարզեցին իրենց կատարած հեռացատկերի երկարությունների տարբերությունը։
Սովորողները չափերիզի և հաշվարկների միջոցով պարզեցին ավազե բակի ցանկապատի երկարությունը և այն արտահայտեցին մետրով և սանտիմետրով:
Սովորողները չափերիզի և հաշվարկների միջոցով պարզեցին փակ լողավազանի դռան ուղղանկյունաձև ապակու լայնությունն ու երկարությունը, որի միջոցով հաշվեցին ապակու պարագիծն ու մակերեսը:
Մանրամասները՝ տեսաֆիլմերում.
Ընկեր Վարսիկի դասարանի հետ կատարած գործնական աշխատանքներից մի փոքրիկ հատված.
Ընկեր Մելինեի դասարանի հետ կատարած գործնական աշխատանքներից մի փոքրիկ հատված.
Մանրամասները՝
Գրետա Բակունցի բլոգ 