Ամբողջական նախագիծն՝ այստեղ:
Մաթեմատիկական նախագիծն՝ այստեղ:
Առավոտյան ժամերգությանը մասնակցելուց հետո սովորողների մեծ սպասումով և բարձր տրամադրությամբ ուղևորվեցինք դեպի ճամբարականների համար սիրելի և հարազատ դարձած Արատես, որտեղ էլ անցկացրեցինք ուրախ և հագեցած եռօրյա ճամբար:
Եռօրյա ճամբարի կարևոր բաղկացուցիչներից էր առավոտյան նախավարժանքը, միջավայրի խնամքի և բարեկարգման աշխատանքները, բերքահավաքը, խոհանոցային ակտիվ գործունեությունը, բարձունքի հաղթահարումը, հայրենագիտական քայլքերը, ուսումնասիրությունները, համագործակցային խաղ-վիկտորինաները, ժամերգությունը, պարերգերը, պարուսուցումը, մաթեմատիկական չափումներն ու հաշվարկները, ինչպես նաև բակային և ինտելեկտուալ խաղերը:
Մինչ Արատես հասնելը հաջողությամբ հաղթահարեցինք Սմբատաբերդի բարձունքը: ֆոտոշարն՝ այստեղ:
«Մաթեմատիկական խաղ-վիկտորինա: Հաշվարկներ ու չափումներ Արատեսում» նախագծի շրջանակներում «Մխիթար Սեբաստացի» կրթահամալիրի Միջին դպրոցի սովորողները Հովտամեջի միջնակարգ դպրոցի սովորողների հետ մասնակցեցին մաթեմատիկական խաղ-վիկտորինայի, որի շրջանակներում քննարկեցինք հոկտեմբեր ամսվա մաթեմատիկական ֆլեշմոբի խնդիրները:
Ֆոտոշարն՝ այստեղ:
Մանրամասները՝ տեսաֆիլմում.
Սովորողների հետ կազմակերպեցինք և իրականացրեցինք բերքահավաք: Այնուհետև կշեռքի միջոցով պարզեցինք հավաքած խնձորի զանգվածը: Վերհիշեցինք զանգվածի չափման միավորները, ինչպես նաև պարզեցինք, թե յուրաքանաչյուր պարկում հավաքած խնձորն ամբողջ հավաքածի քանի տոկոսն է կազմում: Այսպիսով՝ փորձեցինք տոկոսի վերաբերյալ սովորողների գիտելիքները գործնականում կիրառել։
Մանրամասները՝ տեսաֆիլմում.
Ֆոտոշարն՝ այստեղ:
Սովորողները չափերիզի միջոցով կատարեցին Արատեսում գտնվող Ակումբի և Հյուրատան չափագրում:
Մանրամասները՝ ֆոտոշարում.
Արատեսյան եռօրյա ճամբարի ընթաքում իրականացինք նաև խոհանոցային գործունեություն: Սովորողները պատրաստեցին պիցցա, որի վրա վերհիշեցինք կոտորակներ թեման: Իհարկե սովորողները ընկեր Երանուհու հետ միասին պատրաստեցին նաև շատ համեղ փանքեյք, սպաս և այլն:
Ֆոտոշարն՝ այստեղ:
Հովտամեջի միջնակարգ դպրոցի, Եղեգնաձորի Գեղարվեստի դպրոցի և «Մխիթար Սեբաստացի» կրթահամալիրի Հյուսիսային դպրոցի հետ մասնակցեցինք միասնական առավոտյան ժամերգության, ծիսական տոնախմբության և աղբյուրի նորամուտին: Տեսաֆիլմն՝ այստեղ:
Ընկեր Նարեկի հետ միասին սովորողները մասնակցեցին առավոտյան նախավարժանքին, էստաֆետին, ինչպես նաև Հովտամեջի և Եղեգնաձորի Գեղարվեստի դպրոցի սովորողների հետ ունեցան համագործակցային ֆուտբոլային հանդիպում: Ֆոտոշարն՝ այստեղ:
Ճամբարականները Հովտամեջի և Եղեգնաձորի Գեղարվեստի դպրոցի սովորողների հետ մասնակցեցեցին նաև միասնական ընթերցումներին և պարուսուցմանը: Ֆոտոշարն՝ այստեղ:
Սովորողները մասնակցեցին միջավայրի խնամքի և բարեկարգման աշխատանքներին:
Միջավայրը խնամված, սենյակները կոկիկ հաջորդ խմբին հանձնելը դարձել է ճամբարի կարևորագույն պայման: ֆոտոշարն՝ այստեղ: