Արևմտյան դպրոցի 13-րդ ջոկատի ճամբարականների համար ճամբարային 3-րդ շաբաթը ևս հագեցած էր հետաքրքիր նախագծերով և գործունեությամբ:
Ձմեռայի ճամբարի 3-րդ շաբաթվա ընթացքում, Ազգագրական փառատոնի շրջանականերում, «Ռազմական», «Չարխափան» պարերի ուսուցում/ սովորեցնող-սովորող նախագծով համագործակցություն ունեցանք ավագ դպրոցի սովորողների հետ՝
- Տիգրան Հարությունյան
- Նարե Հաղնազարյան
- Անի Ապրոյան
Ավագ դպրոցի սովորողները Արևմտյան դպորցի 13-րդ/մաթեմատիկներ/ ջոկատին սովորեցրեցին «Քերծի» և «Փափուռի» պարերը:
Մանրամասները՝ տեսաֆիլմում.
Արևմտյան դպրոցի մաթեմատիկների ջոկատն/13-րդ/ այցելեց Կենտրոնական բանկի թանգարան, որտեղ ծանոթացանք դրամի պատմությանը, ստեղծման ու շահագործման ձևերին։ Սովորողները պատկերացում կազմեցին, թե ինչպես տարբերել կեղծ և իրական դրամները։ Դիտեցինք տեսաֆիլմ, որտեղ նկարագրվում էր, թե ինչպես են տպվում դրամները։ Քննարկեցինք նաև դոլարի, ռուբլու, եվրոյի և դրամի փոխարժեքները և դրանց տատանումները։ Սովորողները տեղեկացան, որ դրանք յուրաքանչյուր օր կարող են փոփոխվել և դա վերահսկվում է Կենտրոնական բանկի կողմից։ Սովորողները կազմեցին դոլարի, ռուբլու, եվրոյի և դրամի փոխարժեքների վերաբերյալ, ինպես նաև կեղծ և իրական մետաղադրամների վերաբերյալ մաթեմատիկական խնդիրներ ։
Այցելեցինք նաև Անգլիական այգի, որտեղ կատարեցինք Կոմիտասյան պարերգեր և ձմեռային խաղեր։ Սովորողները տպավորված ու նոր գիտելիքներով վերադարձան դպրոց։
Մանրամասները՝ տեսաֆիլմում․
Ճամբարի կարևորագույն բաղադրիչ է նաև խոհանոցային գործունեությունը: Ծանոթացանք նաև իտալական խոհանոցին և պատրաստեցինք ճամբարականների համար շատ սիրելի պիցցա և հաշվեցինք 26 հոգու համար անհրաժեշտ ծախսը:
Հունվարի 24-ին, ժամը 11։00 -ին, «Մաթեմատիկա» ամսագիրը կազմակերպել էր «Ճամբարային ֆլեշմոբ» մրցույթը ։
Արևմտյան դպրոցի մաթեմատիկայի, ռուսերենի, մայրենիի և հայրենագիտության լաբորատորիաներում Արևմտյան դպրոցի տարատարիք մասնակիցներն ակտիվ մասնակցություն ունեցան «Ճամբարային ֆլեշմոբ» մրցույթին:
Մանրամասները՝ տեսաֆիլմում.
Ֆոտոշարն՝ այստեղ:
Jigsawplanet.com հավելված: Փազլների ստեղծում. սովորող-սովորեցնող նախագծով 13-րդ ջոկատը այցելեց 3-2 ջոկատի սովորողներին և փոխանցեց իր մեդիահմտությունները: Աևդյունքում միասին պատրաստեցի փազլներ և տեղադրեցին բլոգում:
Հանդիպումը լուսաբանել է Լուսինե Պետրոսյանը:
3-2 ջոկատի կազմած փազլներն՝ այստեղ:
Դիջիթեք 2024-ի շրջանակներում «Խաղ-վիկտորինա» համագործակցային նախագիծով Արևմտյան դպրոցում հանդիպեցին Արևմտյան և Արևելյան դպրոցի ջոկատները: Արմինե Գոգինյանի հետ նախապես կազմել էինք հայրենագիտական, մեղվաբուծական և մաթեմատիկական հարցեր, որոնցից quizizz.com-ով պատրաստեցինք ինտելեկտուալ խաղ-վիկտորինա: Ճամբարականները մեծ ոգևորությամբ մասնակցեցին Խաղ-վիկտորինային:
Քանի որ Արևմտյան դպրոցի ճամբարականները ծանոթ էին quizizz.com օնլայն ծրագրային հարթակին, ուստի սովորեցրեցին Արևելյան դպրոցի ջոկատին այդ հարթակում պատրաստել խաղ-վիկտորինաներ: Հանդիպումն անցավ բավականին արդյունավետ:
Ֆոտոշարն՝ այստեղ:
Ճամբարականները ընկեր Ասյայի հետ միասին իրականացրեցին նաև տեխնոլոգիական գործունեություն։ Ընկեր Ասյայի հետ միասին ճամբարականները որոշեցին հին կաշվե գոտիներին նոր կյանք տալ նրանցից ստացան թևնոցներ, որոնց վրա պատկերված էր ազգային զարդանախշեր:
Ճամբարականները մասնակցել են նաև միջավայրի խնամքի աշխատանքներին: