Հանրակրթական դիջիթեք 2024-ի շրջանակներում, « Լոգոների և QR կոդերի ստեղծում: Սովորող-սովորեցնող» նախագծով 13-րդ ջոկատը/մաթեմատիկներ/ նախ ինքնուրույն ուսումանասիրեց և գտավ հավելվածներ, որոնց միջոցով սովորեց պատրաստել լոգո և ցանկացած կայքի կամ բլոգի QR կոդ։ 13-րդ ջոկատը ստեղծեց Դիջիթեքի լոգոյի իր տարբերակը և լոգոյի վրա տեղադրել Դիջիթեքի պաշտոնական էջի QR կոդը։
Եթե ցանկանում եք սովորել պատրաստել, ապա կարող եք դիտել հետևյալ տեսաֆիլմը՝
Հանրակրթական դիջիթեք 2024-ը թվային, տեղեկատվական տեխնոլոգիաների ուսուցման նախագծերի ստուգատես է: Դիջիթեք 2024 ստուգատեսի նպատակն է ներկայացնել հանրակրթության ուսուցման մեջ հեղինակային կրթական ծրագրի ուսուցումը թվային տեղեկատվական տեխոնոլոգիաների բնագավառում։ Ստուգատեսի ընթացքում մանկավարժական աշխատողները, սովորողները, սաները ներկայանում են 2023 թվականի և ստուգատեսի ընթացքում այս բնագավառում իրենց կատարած աշխատանքներով։
Այս փուլում ստուգատեսին մասնակցել ցանկացողը լրացնում է սահմանված ձևի հայտը։ Աշխատանքները ներկայացվում են էլեկտրոնային տարբերակով։ Աշխատանքը ներկայացվում է ֆիլմի, նկարաշարի, պատումի կամ ձեր ընտրած այլ էլեկտրոնային տեսքով։
Ստուգատեսի բովանդակությունն՝ ըստ տարիքային խմբերիտե՛ս այստեղ:
2-րդ շաբաթվա ընթացքում իրականացրել ենք «Սովորող-սովորեցնող» համագործակցային նախագծեր, որոնք կնպաստեն հայտերի ներկայացմանը.
Հանրակրթական դիջիթեք 2024 ստուգատեսի շրջանակներում «Սովորող-սովորեցնող» նախագծով Քոլեջի ուսանողներ Դավիթ Խալաթյանը Աշոտ Վարդանյանը Արևմտյան դպրոցի 13-րդ ջոկատին ներկայացրեցին Scratch ծրագիրն ու գործիքաշարը։ Միասին պատրաստեցին խաղեր, որոնք ճամբարականները կներկայացնեն Հանրակրթական դիջիթեք 2024-ի հայտով։ Հանդիպումն անցավ շատ հետաքրքիր և բովանդակալից։
Մանրամասները՝ տեսաֆիլմում.
Ազգագրական փառատոնի, ինպես նաև արտադրությամբ ուսուցում ստուգատեսների շրջանակներում, «Ազգագրական փառատոն+արտադրությամբ ուսուցում +մաթեմատիկա» նախագծով, պատրաստեցինք գաթաներ: Կլոր գաթայի ներսում տեղադրեցինք դովլաթ մետաղադրամ: Ըստ հայկական ավանդույթի, ում բաժին էր ընկնում մետաղադրամը այդ տարին բարեհաջող էր նրա համար։ Դովլաթը բաժին հասավ ճամբարական Արեգ Օսիպյանին:
Կլոր գաթայի միջոցով ներկայացրեցինք մաս և ամբողջ, կոտորակներ թեման, ինչպես նաև կատարեցինք գործողություններ կոտորակների հետ:
Ճամբարականները ընկեր Ասյայի հետ միասին իրականացրեցին նաև տեխնոլոգիական գործունեություն։ Ընկեր Ասյայի և ընկեր Զառայի հետ միասին ճամբարականները հին կաշվե գոտիներին նոր կյանք տվեցին՝ նրանցից ստանալով թևնոցներ, որոնց վրա պատկերված են ազգային զարդանախշի փոքրիկ պատառիկ։
Ազգագրական փառատոնի, ինպես նաև արտադրությամբ ուսուցում ստուգատեսների շրջանակներում, նախ ուսումնասիրեցինք հայկական ազգային խոհանոցը: Միասին որոշեցինք պատրաստել կլոր գաթա:
«Ազգագրական փառատոն+արտադրությամբ ուսուցում +մաթեմատիկա» նախագծով, նախ հավաքեցինք տեղեկություն գաթայի ծագման, պատմության մասին, ընտրեցինք կլոր գաթայի առավել լավ բաղադարատոմ և սպատրաստեցինք կլոր գաթաներ: Կլոր գաթայի ներսում տեղադրեցինք մետաղադրամ: Ըստ հայկական ավանդույթի, ում բաժին էր ընկնում մետաղադրամը այդ տարին բարեհաջող էր նրա համար։ Դովլաթը բաժին հասավ ճամբարական Արեգ Օսիպյանին:
Նախագծում ներառել էինք «Սովորող-սովորեցնող» բաղադրիչ. իրենց ձեռքով պատրաստած գաթայի միջոցով 13-րդ ջոկատի 5-րդ դասարանի սովորողները 4-րդ դասարանի սովորողներին սովորեցրեցին կոտորակներ թեման:
Արդյունքում կլոր գաթայի միջոցով ներկայացրեցինք մաս և ամբողջ, կոտորակներ թեման, ինչպես նաև կատարեցինք գործողություններ կոտորակների հետ:
Գրետա Բակունցի բլոգ 